Зәйдә чаңгы сезоны ачылды

27 ноябрьдә Яңа шәһәр микрорайонының урман массивында чаңгы сезоны ачылды. Балалар һәм өлкәннәр катнаш эстафета, көч сынашу, мас-рестлинг, зур чаңгыда гаилә йөгереше, ГТО нормативларын тапшыру, «Кышкы карусель» уен программасы, «Кар ташлары» күңел ачу программасы кебек массакүләм чаңгы ярышларында һәм күңел ачу бәйгеләрендә катнаша алдылар. Кар чаналарын, түбәләрне, мини-чаңгыларны прокатка алу һәм сату оештырылды. «ГТО» Бөтенроссия физкультура-спорт комплексының алтын билгеләре чаңгы спорты ветераны Анатолий Юровка, "Зәй" спорт мәктәбе тренеры Ревин Алексейга, шулай ук Ревин Егорга, Москова Софияга, Бочкарев Виталий, Бочкарев Андрей, Москов Савелийга, Устимкин Данилга, Шәрипова Нәзирәгә бирелде. Бәйрәмне ачуда район башлыгы урынбасары Уразайкин Петр Сергеевич, Район Башкарма комитеты җитәкчесе Галиев Эмиль Эдуард улы, Россия чаңгы узышлары федерациясе президиумы әгъзасы, район Советы депутаты Галиев Эдуард Шәйхнур улы,физиук культура буенча район башлыгының җәмәгать ярдәмчеләре Фәйзуллин Ракип Нәҗип улы һәм Миннәхмәтов Әнәс Әхәт улы катнашты.