Зәйдә кар чистарту техникасын кабул итү узды

Синоптиклар фаразларына караганда, бу атнада беренче кар явуы көтелә. Зәй юллары һәм ишегалларын, алдагы еллардагы кебек үк, Благострой оешмасы кардан чистартачак. Бүген, 18 октябрьдә, юл предприятиесе базасында кар чистарту техникасын кабул итү булды. Анда район башкарма комитеты җитәкчесе Эмиль Галиев, шәһәр Башкарма комитеты җитәкчесе Роберт Садретдинов, Благострой оешмасы җитәкчесе Рәфыйк Зәйнуллин һәм юл хезмәте хезмәткәрләре катнашты. - Киләсе кыш нинди булуына карамастан, без эшкә әзер. Техника комплектланган, юлларга сибү өчен ком-тоз эремәсе җитәрлек күләмдә әзерләнгән, - ди Рәфыйк Зәйнуллин. Район башкарма комитеты җитәкчесе Эмиль Галиев сүзләренә караганда, быел юл хезмәте өчен эшләр күләме арткан. - Районда карап тотуга аерым якын килүне таләп итә торган яңа иҗтимагый киңлекләр барлыкка килде - бу «Энергетик» мәдәният йорты мәйданы һәм аның артында урнашкан сквер. Быел республика программасы буенча 35 төзекләндерелгән ишегалды территориясе файдалануга тапшырылган, шуларның 32се-шәһәрдә. Күп фатирлы йортларның ишегалларында велосипед юллары һәм парковка урыннары барлыкка килде-бу территорияләрне кышкы чорда тиешле хәлдә тотарга кирәк. Быел кышкы чорда юлларны карап тотуга бәйле проблемалар да тумас, җәяүлеләр кебек үк, вакытында һәм кыенлыкларсыз үз эшләренә барып җитә алырлар дип өметләнәбез. Юл хезмәтенең эшен контрольдә тотачакбыз һәм төрле кыенлыклар килеп туганда шунда ук чарасын күрәчәкбез, - ди Эмиль Галиев. Хәзерге вакытта техника барлык кирәкле әйберләр белән комплектланган һәм төзек хәлдә. Юл төзүчеләр эше график буенча төзелә, әмма аеруча карлы көннәрдә барлык эшчеләр дә тәүлек әйләнәсе эш