Зәйдә чираттагы авыл хуҗалыгы ярминкәсе узды

Бүген "Энергетик" мәдәният йорты каршындагы үзәк мәйданда чираттагы авыл хуҗалыгы ярминкәсе узды. Сатуга Агросәнәгать паркы һәм җирле җитештерүчеләрнең авыл хуҗалыгы продукциясенең киң ассортименты тәкъдим ителде. Шәһәр халкына үз продукцияләрен крестьян - фермер хуҗалыклары һәм 5: Бигеш, Югары Мәлем, Бохарай, Түбән Биш, Поповка авыл җирлекләре тәкъдим итте. Алар белән беррәттән, башка сәүдә нокталары да эшләде. Традиция буенча, район башлыгы Разиф Кәримов беренчеләрдән булып сәүдә рәтләре буйлап узды һәм шәһәрлеләргә тәкъдим ителгән продукциянең ассортименты һәм сыйфаты белән танышты. Яшелчә, бәрәңге, суган, кәбестә күп булуы билгеләп үтелде. Шәһәрлеләрнең ит, сөт продукциясе, май, йомырка, бал, шикәр комы, ярмалар, җиләк-җимеш һәм башка фермер продукциясенә ихтыяҗы зур. Киләсе ярминкә 2 октябрьдә булачак.