«Яңа шәһәр» микрорайонында яшәүчеләр җыены булды

17 августта 6-нчы номерлы мәктәптә район башлыгы Разиф Кәримов, Россия Федерациясе Дәүләт Думасы депутаты Олег Морозов, VI чакырылыш Татарстан Республикасы Дәүләт Советы депутаты Николай Нефедов катнашында «Яңа шәһәр» микрорайонында яшәүчеләр җыелышы булды. Разиф Галиевич катнашучыларны 2021 елның беренче яртыеллыгында районның социаль-икътисади үсеш нәтиҗәләре белән таныштырды, киләчәккә планнары белән уртаклашты. Шәһәр Башкарма комитеты җитәкчесе Роберт Садретдинов халыкны шәһәрне төзекләндерү һәм үстерү буенча эшләрнең барышы белән таныштырды, аерым алганда, «Безнең ишегалды»Президент программасын гамәлгә ашыру турында сөйләде. Полиция башлыгы урынбасары Виталий Архипов микрорайонның оператив хәле турында сөйләде. РҮХнең баш табибы Айдар Фатыйхов Яңа шәһәр халкын райондагы санитар-эпидемиологик хәл белән таныштырды, йогышлы авыруларны профилактикалау чаралары һәм халыкны коронавирус инфекциясеннән вакцинацияләүнең барышы турында сөйләде. Очрашуга район башлыгы Разиф Кәримов йомгак ясады.