Район башлыгы Казанда Изге Ана иконасы соборын изгеләндерү тантанасында катнашты

Бүген Казанда Изге Ана иконасы соборын изгеләндерү тантанасы (Казанда икона табылу урынында эшләр 2016 елдан бирле алып барылды), Казан-Богородица монастырендә хач йөреше һәм литургия узды. Тантананы Мәскәү һәм Бөтен Русь Патриархы Кирилл җитәкләде. Тарихи чарада Зәй районы башлыгы Разиф Кәримов һәм Зәй районы Федотово авылындагы Казан Изге Ана чиркәве настоятеле Сергий атакай катнашты. Богородица монастыре 1579 елда патша Иван IV Указы буенча төзелгән. Риваять буенча, XVI гасырда аны торгызу урынында, православие дөньясында хөрмәтле Казан Мәрьям Ана иконасы булган. 1932 елда төп собор җимерелә, монастырь бетерелә, биналар миллиләштерелә. 2004 ел азагыннан монастырь комплексын торгызу башланды. Татарстанның беренче Президенты Минтимер Шәймиев җитәкчелегендә тарихи һәм мәдәни һәйкәлләрне торгызу Республика фонды ирекле иганәләр җыюны башкарды. Хәзерге вакытта собор элеккеге хәленә китереп торгызылган, төзелеш эшләре, эчке бизәкләү, территорияне төзекләндерү эшләре тәмамланган.