Зәйнең «Факел» лагеренда 3 сменаны ачу тантанасы узды

19 июльдә «Факел» балалар сәламәтләндерү лагере 2021 елның 3 сменасын ачты. Ачылу тантанасы район башлыгы Разиф Кәримов катнашында узды. Бу сменаны «Факел» үзәге кешенең космоска беренче очышының 60 еллыгы белән бәйләде һәм космик юнәлеш алды, бу исә команда исемнәрендә һәм визит карточкаларында чагылыш тапты. Барысы да тантаналы линейкадан һәм Россия һәм Татарстан гимннары астында дәүләт флагларын күтәрүдән башланды. Разиф Галиевич һәм «Факел» лагеры җитәкчесе Валентина Николаевна Потупчик балаларга котлау сүзләре җиткерделәр. Шулай ук лагерь командалары, әйдаманнар, Казан шәһәренең «Ак Барс» балалар-яшүсмерләр спорт мәктәбе хоккейчылары командасы тәкъдим ителде. Тантаналы өлеш балалар башкаруында халык бердәмлеге темасына куелган бию белән тәмамланды. Тантаналы өлештән соң балалар мастер-классларга таралыштылар, ә кунаклар өчен лагерь буйлап экскурсия үткәрелде. Валентина Николаевна коронавирус йогышын профилактикалауның барлык чараларын үтәүгә игътибар итте: йокы корпусының һәр катында бактерицид нурланыш җайланмасы булу, ашханәдә социаль дистанцияне үтәү һәм дезинфекция чаралары булу. Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең яңа таләпләре кысаларында һәр корпуста чемоданнар саклау өчен аерым урыннар һәм кер юу бүлмәләре җиһазландырылган.