Район башлыгы Разиф Кәримов зәйлеләрне Корбан гаете белән тәбрик итә

Хөрмәтле мөселманнар! Ислам дине буенча билгеләп үтелүче иң мөһим һәм иң хөрмәтле бәйрәмнәрнең берсе - Корбан гаете белән ихлас котлауларны кабул итегез! Бу изге бәйрәм тирән әхлакый мәгънәгә ия, кешеләрне бер-берсенә якынайтуга, үзара ихтирамлы булуга, мәрхәмәтлелек сыйфатларын тәрбияләүгә ярдәм итә, мәңгелек рухи кыйммәтләрне кадерләп яшәргә өйрәтә, ата-бабаларыбызның гореф-гадәтләренә һәм васыятьләренә сак караш тәрбияли. Безнең районның башка конфессия вәкилләре дә мөселманнарның традицияләренә хөрмәт белән карыйлар һәм бу бөек бәйрәм уңаеннан шатлыклары белән уртаклашалар. Зәй җирендә яшәүче төрле милләт ха-лыкларының дуслыгы һәм үзара мөнәсәбәтләрдә бер-берсенә хөрмәтле булулары нәтиҗәсендә безнең йортларыбызда тынычлык һәм иминлек хакимлек итәчәгенә шигем юк. Бу бәйрәм уңаеннан барыгызга да ныклы сәламәтлек, бәхет, барлык изге эшләрегездә уңышлар, тынычлык һәм татулык телим! Корбан гаете һәр йортка шатлык алып килсен, иртәгәсе көнгә ышаныч китерсен.