Район башлыгы бөртеклеләрне урып-җыю барышы белән танышты

Районның көзге бөртекле культуралар һәм борчак чәчүлекләре булган барлык авыл хуҗалыгы предприятиеләре урып-җыю комбайннарын басуларга чыгардылар. Урып-җыюда "Агрокөч" АҖенең 50 комбайны эшли. Эш барышын район башлыгы Разиф Кәримов даими контрольдә тота. Бүген Разиф Галиевич «Восток» агрофирмасы «Нива» җитештерү комплексы «Новоспасск» бүлекчәсе, «Баграж» җитештерү комплексы «Сармаш» бүлекчәсе, «Зәй» агрофирмасы «Кадер» җитештерү комплексы Түбән Биш авылы, «Аксар» җитештерү комплексы Имәнлебаш авылы, «Зәй шикәре» агрофирмасы «Чыбыклы» җитештерү комплексы Нератовка авылы хуҗалыкларында көзге бодай һәм борчак басуларын карады. Чарада шулай ук районның авыл хуҗалыгы һәм азык-төлек идарәсе башлыгы һәм белгечләре, хуҗалыклар агрономнары, авыл җирлекләре башлыклары катнашты. Бүгенге көндә 7311 гектар чәчүлек мәйданнары суктырылган-планнан 22%, 18450 тонна ашлык җыеп алынган, уңыш гектарыннан 25,2 центнер тәшкил итә. Район механизаторлары тарафыннан 6611 гектар көзге бодай - 54%, 17723 тонна суктырылган, уңыш – 26,8 ц/га. 16 июльгә 1082 гектарда борчак-100% чабылган, 700 гектары суктырылган, 727 тонна борчак җыеп алынган, уңыш гектарыннан 10,4 центнер чыга. Шулай ук район башлыгы «Зәй» агрофирмасы “Кадер” җитештерү комплексында горчица суктыру барышы белән танышты.