Зәйлеләр язучы Сөббух Рәфыйковны искә алдылар

15 июльдә танылган татар язучысы һәм публицист Сөббух Рәфыйковның тууына 108 ел тула. Бүген, традиция буенча, зәйлеләр яңа шәһәр зиратына аның кабере янына язучыны искә алырга җыелдылар. Сөббух Рәфыйков исемендәге Үзәк китапханә, "Татмедиа" АҖ филиалы "Зәй-информ" хезмәткәрләре, оныгы Айнур Закиров язучының каберенә чәчәкләр салдылар, аның нинди кеше кеше булуын искә төшерделәр. "Сөббух Рәфыйков безнең районда яшәде һәм иҗат итте. Нәкъ менә биредә аның иң яхшы әсәрләре туды, ул аларда безнең район үсеше турында күп язды. Үзәк китапханәдә язучы белән бәйле предметлар һәм Сөббух Рәфыйковның автографы саклана. Узган ел НТВ телеканалында аның иҗатына багышланган фильм чыкты", - дип сөйләде китапханә директоры Сәрия Батыршина. Фатих хәзрәт Нуруллин Коръән аятьләре һәм сүрәләре укыды. Танылган татар язучысы Сөббух Рәфыйков 14 ел дәвамында Зәйдә яшәгән, эшләгән һәм иҗат иткән. Биредә шәһәр урамы һәм Үзәк китапханә аның исеме белән атала, 1957 елдан ул яшәгән йортка мемориаль такта куелган.