“Ромашка гаиләсе!”

Зәй муниципаль районы “Шатлык” халыкка социаль хезмәт күрсәтү комплекслы үзәге базасында “Развивайка” клубы эшчәнлеге кысаларында мөмкинлекләре чикле балалар тәрбияләүче гаиләләр өчен социаль технология гамәлгә ашырыла. 13 июль көнне гаилә һәм балаларга социаль ярдәм бүлеге психологы тарафыннан балалар һәм аларның әти-әниләре өчен төркемле дәрес үткәрелде. Әлеге чараның максаты-балаларның һәм ата-аналарның игътибарын гаилә кыйммәтләренә, гореф-гадәтләренә, гаилә бәйрәмнәренә һәм балаларны һәм ата-аналарны бергәләп бәйрәм итүгә җәлеп итү. Шулай ук әлеге чараның нигезе булып балалар һәм ата-аналар арасындагы мөнәсәбәтләрне гармонияләштерү торды. “Үзенчәлекле” балалар һәм аларның ата-аналары белән эшләүдә психологлар төрле ысуллар һәм техникалар кулланалар. Бу исә балаларны коллективка берләштерүгә, эмоциональ киеренкелекне бетерүгә, хәтернең психологик процессларын, игътибарны, сөйләмне үстерүгә ярдәм итә. Мастер-класс формасында узган бу дәрестә балалар әти-әниләре белән бергәләп коктейль өчен таякчыклар, мамык дисклары һәм картон ярдәмендә ромашка ясадылар. Ромашкалар бик үзгә һәм функциональ килеп чыкты, алар интерьерның чын бизәге булып хезмәт итә ала.