Зәйдә Икътисади совет утырышы узды

Бүген хакимият бинасының зур залында район башлыгы Р.Г. Кәримов рәислегендә Зәй муниципаль районы Икътисади советы утырышы узды. Анда «Татнефтедор» ҖЧҖнең Зәй автомобиль юллары идарәсе филиалының 2021 нче елның беренче яртыеллыгындагы эшчәнлеге нәтиҗәләре һәм 2021 елга көтелгән эш йомгаклары» каралды. Филиал башлыгы Ганске Александр Владимирович үз чыгышында эшчәнлекнең төп юнәлешләренә тукталды: Зәй муниципаль районының гомуми кулланылыштагы юлларны карап тоту - 416 км; (415,854 км); юлларны ремонтлау буенча ремонт-төзелеш эшләре. Оешмада 111 кеше эшли, уртача хезмәт хакы 43 077 сум тәшкил итә, вакансияләр бар. Беренче яртыеллыкта 228 млн.сумлык эш башкарылган. Докладчы чыгышыннан соң Икътисади совет әгъзалары фикер алыштылар. Утырышка йомгак ясап, район башлыгы Разиф Кәримов юлларны ремонтлау һәм төзү күләмнәрен арттыру буенча үз киңәшләрен бирде, шулай ук оешмага «Россиядә эш» порталында эшне активлаштырырга тәкъдим ителде. .