Район башлыгы Кәримов Разиф Гали улы чыгарылыш сыйныф укучыларына аттестатлар тапшырды

2021 елда Зәй муниципаль районында мәктәпне 162 кеше тәмамлады. Алар – шәһәребезнең №2, №3, №4, №6, №7 мәктәпләре, Татар Гимназиясе, Сәвәләй, Бигеш, Түбән Биш, Кадер мәктәпләрен тәмамлаучылар. Алар арасында: 28 кеше - «Укудагы аерым уңышлары өчен» медаленә, Бердәм дәүләт имтиханында рус теле буенча 100 балл алган 2 укучы-2 нче мәктәп укучысы Миңнехуҗина Диана һәм аерым фәннәрне тирәнтен өйрәнүле 7 нче мәктәп укучысы -Жильцова Екатерина. 9 чыгарылыш сыйныф укучысы-республика һәм Бөтенроссия олимпиадалары призерлары һәм җиңүчеләре. 78 чыгарылыш сыйныф укучысы ГТО комплексының аерымлык билгеләре белән – 70е алтын, 7се - көмеш һәм 1се бронза белән бүләкләнде. Бүген район башлыгы Разиф Кәримов 7 нче мәктәпне тәмамлаучыларга аттестатлар тапшырды. Мәктәптә урта гомуми белем турындагы аттестатларны -36 унберенче сыйныф укучысы алды, 7 чыгарылыш сыйныф укучысы «Укудагы аерым уңышлары өчен» медаленә дәгъва кыла. Сәхнәдән чарада катнашучыларны район башлыгы Разиф Кәримов котлады: «Кадерле балалар! Тормышыгызның яңа этабы башлана. Ул нинди булачак-күбесенчә сездән тора. Сезнең инициативагыз, үз көчегезгә ышаныч һәм алга барырга теләкләрегездән. Сез чыгарылыш имтиханнары кебек катлаулы сынауны намус белән үттегез, һәм без сезнең алда тормыш куячак барлык бурычларны да уңышлы үтәрсез дип ышанабыз. Хөрмәтле укытучылар! Сез аларга бу катлаулы мәктәп юлын узарга ярдәм иттегез, алар алдында белем һәм фәннең гаҗәеп киңлекләрен ачтыгыз, куелган максатка барырга һәм хаталар өстендә эшләргә өйрәттегез. Бөек хезмәтегез, гаҗәеп игелек һәм зур сабырлыгыгыз өчен рәхмәт сезгә. Сезгә һәрвакыт шундый акыллы, игелекле, эчкерсез, юмарт һәм шат күңелле булып калуыгызны телибез. Кадерле әти-әниләр! Менә сезнең балалар тормышында иң онытылмас бәйрәмнәрнең берсе — Чыгарылыш кичәсе дә килеп җитте. Әмма, бу алар өчен генә түгел, ә сезнең тормыш өчен дә мөһим вакыйга. Бүген сезнең балалар үз-үзләре һәм казанышлары белән горурлансын өчен күпме түземлек, хезмәт һәм вакыт кертүегезне күз алдына да китереп булмый. Без сезгә ничек авыр булуын беләбез, шуңа күрә сезгә чын күңелдән рәхмәт белдерәсе килә һәм балаларыгызның белемгә таба юлы җиңелрәк булсын, сабырлык беркайчан да югалмасын, горурлык өчен сәбәпләр тагын да арта барсын иде. Хөрмәтле чыгарылыш сыйныф укучылары! Без сезгә дөрес сайлау ясарга, яраткан һәм кирәкле һөнәрне үзләштерергә ярдәм итәрлек юлга басуыгызны телибез. Ирешелгәннәрдә беркайчан да тукталып калмагыз. Иң яхшылары булырга тырышыгыз! Туган шәһәребез, республика һәм илебез хакына ачыш һәм казанышлар, уңышлар сезгә!». Балаларны бәйрәм белән шулай ук мәктәп директоры Игорь Биканов, педагоглар һәм ата-аналар котлады. Район җитәкчелеге катнашында аттестатлар тапшыру башка мәгариф учреждениеләрендә дә узды. Бүген шулай ук «Энергетик» мәдәният сарае мәйданында «Чыгарылыш балы» бәйрәм программасы узачак. Мәктәпнең горурлыгы-Татарстанда гына түгел, ә республикадан читтә – Мәскәүдә, Санкт-Петербургта, Ижауда укуларын дәвам итүчеләр яки дәрәҗәле югары уку йортларын уңышлы тәмамлаучылар.