Зәйдә ачык тыңлаулар узды

Бүген хакимиятнең кече залында Зәй шәһәре җылылык белән тәэмин итүнең актуальләштерелгән схемасы проектын карау буенча ачык тыңлаулар узды. Кереш сүз белән Зәй шәһәре Башкарма комитеты җитәкчесе Роберт Рафаил улы Садретдинов чыгыш ясады, Зәй шәһәре җылылык белән тәэмин итүнең актуальләштерелгән схемасы проекты белән Казан дәүләт энергетика университетының фәнни тикшеренүләр, инновацияләр һәм эшләнмәләр идарәсе башлыгы Лилия Рафаэль кызы Мөхәммәтова таныштырды. Ачык тыңлаулар уздырганда искәрмәләр һәм тәкъдимнәр кермәде. Ачык тыңлаулар нәтиҗәләре буенча, гамәлдәге законнарда каралган тәртиптә Зәй шәһәрен җылылык белән тәэмин итү схемасын актуальләштерү процедурасын үткәрү турында карар кабул ителде.