Зәй Сабантуе ат чабышлары белән башланды

2021 елның 12 июне, шимбә

Традиция буенча, Зәйдә Сабантуй ипподромда үтүче ат чабышыннан башланды. 5 узышта 23 ат катнашты. Ат чабышын караучылар арасында район башлыгы Разиф Кәримов, районның мактаулы кунаклары да бар иде. Ат чабышлары Сабантуйда иң яраткан халык тамашасы булып тора. Ел буе атларны чабышка әзерлиләр, һәм Сабантуй көнендә алар бөтен осталыкларын күрсәтә. Быел ат чабышлары элеккеге район башлыгы Р.Ш.Фәрдиев истәлегенә оештырылды. Анда авыл хуҗалыгы һәм азык-төлек идарәсе, физкультура һәм спорт идарәсе вәкилләре дә катнашты.