Зәй районында авыл җирлекләре башлыкларының күчмә семинары узды

Бүген Зәйдә район башлыгы Р.Г.Кәримов, авыл җирлекләре башлыклары, идарә башлыклары, предприятие һәм оешма җитәкчеләре катнашында күчмә семинар узды. Бару графигына 6 авыл җирлеге кертелгән иде. Семинар Югары Шепкәдән башланды, анда семинарда катнашучылар Имәнлебаш авылы янындагы район чиген карадылар, Югары Шепкә авылында кошчылык һәм үсемлекчелек белән шөгыльләнүче Зәйнетдинов һәм Ахунов крестьян-фермер хуҗалыгында булдылар, шулай ук Җәлил урамы буенча юлларны карадылар, чишмә һәм беседканың торышын бәяләделәр. Семинарда катнашучылар Югары Пәнәче авылы җирлегендә Сабантуй үткәрү урынын, Бигеш авыл җирлегенең Кәрәкәс авылында - балалар мәйданчыгы элементларын, мәгълүмат стендларын, янгын гидрантларын, Мөхәммәтҗанов КФХсын, Поручик авыл җирлегенең Сәрәпәле авылында-һәйкәл, кибет, Сабантуй үткәрү урынын, Иске Маврин авыл җирлегендә-район чигенә керү юлларын карадылар. Семинарның максаты-территорияләрне төзекләндерү, шәхси ярдәмче хуҗалыкларның һәм КФХларның эше белән танышу, авыл җирлекләре территорияләрендә гражданнарның үзара салым республика программасы буенча башкарылган эшләренә бәя бирү.