Татарстанлылар "Дусларга яхшы сүз" республика акциясендә катнаша ала

Татарстанда "Дусларга яхшы сүз" республика акциясе старт алды, аңа яшенә һәм яшәү урынына карамастан, барлык теләүчеләр дә кушыла ала. Акция Халыкара балаларны яклау көненә багышланган. Анда катнашу өчен өлкән буын вәкилләренә һәр көнне балалар адресына яхшы киңәшләре белән видео-мөрәҗәгать язарга, балаларга исә дусларына, сыйныфташларына, әти-әниләренә, туганнарына изге теләкләр язарга кирәк була. Шулай ук балалар асфальтта рәсем ясый һәм аны фотога төшерә алалар. Видеороликларны һәм фотографияләрне Instagram һәм «ВКонтакте» социаль челтәрләрендә #1 июнь хештегы белән урнаштырырга кирәк була. Нәтиҗәләр буенча акциядә катнашучылар электрон сертификатны ТРда Бала хокуклары буенча вәкаләтле вәкилнең җәмәгать ярдәмчеләре һәм ТР да Бала хокуклары буенча вәкаләтле вәкил каршындагы Балалар Советы әгъзалары аша ала алачаклар. "Дусларга яхшы сүз" акциясе турында мәгълүматны нигезләмәдә белергә мөмкин.