Зәйдә «Йөгерүче китап-2021» акциясе узды

Зәй үзәк китапханәсе 25 нче май конне «Йөгерүче китап-2021» Бөтенроссия социомәдәни акциясендә катнашты. Быел интеллектуаль йөгереш Бөтенроссия китапханәләр көненә, Зәйдә халык китапханәсе оешуына 125 ел тулуга һәм Зәй муниципаль районында Туган як елына багышланды. Үзәк китапханәнең «йөгерешчеләр» командасы бинанын төп ишегеннән старт алды. Китапханәчеләр белән бергә акциядә 6нчы мәктәпнең 4 сыйныф укучылары да катнашты. Алар китапханәдән алып, Р.Ш. Фәрдиев исемендәге паркка соңгы тукталышка кадәр узды. Белемнәрне тикшерү очен, шәһәр тарихы буенча гади сораулар әзерләнгән иде. Балалар сорауларга актив җавап бирделәр, акция маршруты буенча урнашкан һәйкәлләрне һәм скульптураларны кызыксынып карадылар. Вакыт сизелмичә дә үтеп китте, барысына да күңелле һәм мавыктыргыч булды!