«Каенкай» балалар бакчасында экологик тәрбия

2021 елның 25 мае, сишәмбе
Бүгенге көндә табигатьне саклау, балаларга экологик тәрбия бирү иң зур проблемаларның берсе булып тора. Чөнки сулаган һавабыз, эчәр суыбыз пычрана, үстергән җиләк-җимешләребез төрле авырулар китереп чыгара башлады. “Каенкай” балалар бакчасында “Эколята” дигән клуб эшли, аның җитәкчесе Сайфуллина Любовь Тимофеевна зурлар төркеме белән “Кошлар көне”, “Исәнме, агачкай”, “Без эколяталар” дигән акцияләр үткәрде. Экологик тәрбия бирүнең максатлары: -тере һәм тере булмаган табигать, табигать күренешләре, үсемлекләр һәм хайваннар дөньясы турында белем бирү; -табигатькә мәхәббәт, үсемлекләргә, төрле җан ияләренә сакчыл караш тәрбияләү; -табигать кочагында үзеңне дөрес тоту, җир-суны пычратмау, яшеллекне һәм җан ияләрен саклау кирәклеген төшендерү. Шушы макасатларны булдырыр өчен экологик почмак та оештырылды. Табигать почмагында төрле дидактик уеннар, проектлар да бар. Шулай ук ата-аналар да бик актив катнашалар, чөнки балалар бакчасында гына экологик тәрбия биреп, ата-аналар тарафыннан ярдәм, алар белән аңлашып эшләү булмаса, үңай нәтиҗәләргә ирешеп булмый. Шуның өчен иң беренче чиратта табигатьне саклау, яклау үрнәкләрен зурлар үзләре күрсәтергә тиеш.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International