Район башлыгы Р. Г. Кәримов авыл хуҗалыкларындагы эш барышын карады

19 майда район башлыгы Разиф Кәримов авыл хуҗалыгы һәм азык-төлек идарәсе, «Россельхозцентр» ДБУнең авыл Зәй филиалы белгечләре белән берлектә авыл хуҗалыгы формированиеләрендә булды. Эш сәфәренең максаты чәчүлекләрне карау, азык әзерләү техникасын, силос-сенаж траншеяларын әзерләү барышы белән танышудан гыйбарәт иде. Белгечләр “Нива” ҖЧҖ, “Кадер”, “Аксар”, “Чыбыклы” җитештерү комлексларында азык әзерләү техникасын әзерлек сызыгына кую барышы белән таныштылар, “Нива”, “Дүрт Мунча” товарлыклы-сөтчелек фермаларында да булдылар. Район хуҗалыкларында техниканы, атап әйткәндә, терлек азыгы эзерләү комбайннарын, чапкычларны, пресслау-җыю, яшел массаны ташу өчен бортлары күтәртелгән транспорт чараларын әзерләү эше дәвам итә. Бүгенге көндә 6 терлек азыгы әзерләү комбайны, 17 чапкыч бар, шуларның 4се - заманча үзйөрешле чапкыч, 22 җыеп пресслау һәм 10 тырмалау- әйләндерү агрегаты әзер. Товарлыклы сөтчелек фермаларында һәм комплексларда силос һәм сенаж траншеялары әзерләнә, аерым алганда, аларны чистарту, агарту, дезинфекцияләү бара. Көннәр эссе булу сәбәпле, район башлыгы терлек азыгына (сенаж, силос, печән, салам) ревизиясе үткәрергә һәм аларны саклау, шул исәптән сенаж траншеяларындагы калдыкларны каплап куярга кирәклеге турында искәртте. Терлекләрне су белән тәэмин итү һәм баланслы тукландыруга контрольне көчәйтергә кушты.