Зәйдә авыл җирлекләре башлыклары катнашында семинар узды

Бүген Александр Бистәсендә районның авыл җирлекләре башлыклары катнашында семинар узды. Семинар эшендә район башлыгы Разиф Кәримов, район Советы һәм Башкарма комитетының җаваплы хезмәткәрләре катнашты. Семинарның пленар өлешенә кадәр Александр бистәсендә катнашучылар Изге чишмәне, храмны карадылар, А.А. Сомов шәхси ярдәмче хуҗалыгында, гомуми белем бирү мәктәбендә булдылар, авыл мәдәният йорты территориясен (сәхнә, велоюллар, үзара салым акчасына сатып алынган спорт-уен мәйданчыгын) карадылар. Семинарның пленар өлеше Александровка Бистәсе авыл мәдәният йортында узды. Җыелганнарга кереш сүз белән район башлыгы Разиф Кәримов мөрәҗәгать итте, авыл җирлеге башлыгы Людмила Варганова 2020 нче ел, 2021 нче елның 1 нче кварталында җирле үзидарә органнарының эшчәнлеге һәм 2021 нче елның калган чорына куелган бурычлар турында сөйләде. Шулай ук авыл җирлекләрендә вакцинация темплары, язгы кыр эшләренең барышы, авыл җирлекләре территориясендә ваклап сату турында мәгълүматлар тыңланды. Авыл җирлекләрендә янгын куркынычсызлыгын тәэмин итү, хезмәт базарындагы хәлләр, территорияләрне төзекләндерү мәсьәләләре әлегә даими контрольдә кала. Семинарга район башлыгы Разиф Кәримов йомгак ясады.