Авылларда истәлекле һәйкәлләр тантаналы төстә ачылды

9 майда Баграж авыл җирлегенең Сарсаз-Баграж авылында - Бөек Ватан сугышында катнашкан якташларыбызга яңа һәйкәлне һәм Сармашбаш авыл җирлегенең Федоровка авылында Бөек Ватан сугышында һәлак булганнар һәм тыл хезмәтчәннәре истәлегенә комплекслы мемориалны тантаналы төстә ачу чарасы үткәрелде. Тантаналы митингта район башлыгы Разиф Кәримов, район Башкарма комитеты җитәкчесе Эмиль Галиев, Татарстан Республикасының мәдәни мирас объектларын саклау комитеты рәисе Иван Гущин, Баграж һәм Сармашбаш авыл җирлекләре башлыклары Павел Минеев һәм Рәсим Фәсхетдинов катнашты. Чарада катнашучылар чыгышларында яңа һәйкәлләрне булдыруга һәм урнаштыруга үзләреннән өлеә керткән һәркемгә рәхмәт сүзләрен җиткерделәр. Бөек Ватан сугышында һәлак булган солдатларны авыл халкы һәм кунаклар бер минут тынлык белән искә алдылар һәм һәйкәлләрне тере чәчәкләр белән күмделәр.