Зәйнең “Энергия” стадионында – Җиңү көненә багышланган спорт бәйрәме үтте

Бүген “Энергия” стадионында Бөек Ватан сугышында Җиңүнең 76 еллыгына багышланган спорт бәйрәме узды. ГТО мәйданчыгында "ГТО белән бергә - яңа рекордларга!" дип исемләнгән чара гаилә командалары арасында ярыш буларак оештырылды. Универсаль мәйданчыкта хатын-кызлар командалары арасында волейбол ярышлары кызды. Футбол кырында 2009-2010 елларда туган балалар һәм аларның әти-әниләре арасында (тренеры Халиков И.Р.) мини-футбол һәм яшь хоккейчылар арасында "Флорбол" уены бик кызыклы узды. Мини-футбол кырында "Боча" уенын һәм «Спасибо деду за победу» спорт биюләре флешмобын да тамашачылар яратып карады.