Зәйдә традицион җиңел атлетика эстафетасы узды

9 майда Зәй шәһәренең «Энергия» стадионында Бөек Ватан сугышында Җиңүнең 76 еллыгына багышланган традицион җиңел атлетика эстафетасы узды, анда гомумбелем бирү мәктәпләре һәм шәһәр предприятиеләре, оешмалары һәм учреждениеләре командалары көч сынашты. Парадны ачуда район Башкарма комитеты җитәкчесе Галеев Эмиль Эдуард улы, ТР Чаңгы ярышлары һәм биатлон федерациясе вице-президенты, чаңгы узышлары буенча ТР җыелма командаларының баш тренеры Галеев Эдуард Шәйхенур улы, Башкарма комитетның физик культура, спорт һәм туризм идарәсе башлыгы Әшрәпов Илфат Зиннуров улы, “МегаПолис” иминият агентлыгы җитәкчесе Гайнетдинова Елена Нургаяс кызы, муниципаль районның спорт ветераннары катнашты. Гомумбелем бирү мәктәпләре командалары арасында 1 урынны 4 нче мәктәп, 2 урынны - 6 нчы мәктәп, 3 урынны 7 нче мәктәп командалары алды. Предприятие, оешма һәм учреждениеләр арасында 1 урынны - ГРЭС, 2 урынны - политехник көллият, 3 урынны «Зәй шикәре” ААҖ командалары бүлеште. Җиңүчеләр һәм призерлы урын алучылар ярышларның рәсми партнеры - “МегаПолис” иминият агентлыгы Грамоталары, медальләр һәм акчалата призлар белән бүләкләнде.