Зәй басуларында тигез булып арпа тишелде

Басуларда иң беренче булып арпаның тигез шытымнары барлыкка килде, аларның торышы хәзергә яхшы дип бәяләнә. Чәчү эшләрен иртә срокларда башлап, технологияне төгәл үтәп, бер гектарга 60 килограмм исәбеннән минераль ашламалар кертеп, дымлы туфракка орлык кертү үзен аклады. Районда барлыгы 14185 гектар арпа арпа чәчелде. Алга таба зур эшләр тора: чәчүлекләрне бер гектарга 1,6 центнер исәбеннән аммиак селитрасы белән тамырдан һәм яфрактан тукландыру, басуларны чүп үләннәреннән, корткычлардан, авырулардан саклау буенча чаралар үткәрү зарур. Явып торган җылы яңгырлар район аграрийларына мул уңыш булырына ышаныч бирә.