«Туган табигатьнең чисталыгын саклыйк!»

«Аленка» балалар бакчасында тәрбияләнүчеләр ел саен үткәрелә торган «Экологик десант» акциясендә катнаштылар. Бу эш балаларда экологик культура һәм кече Ватанга мәхәббәт тәрбияләүгә юнәлтелгән. Акциянең һәр көне аерым темага багышланган. Бүген акция «Туган табигатьнең чисталыгын саклыйк!" дигән девиз астында узды. Балалар тәҗрибә-тикшеренү эшчәнлегендә катнаштылар, пычрак суны чит катнашмалардан чистарттылар. Акция чараларында катнашып, балалар туган шәһәрдә экологик хәлне яхшырту өчен һәрберебезнең нинди файда китерүен аңладылар. Нәтиҗәдә, балалар табигать һәм әйләнә-тирә мохит белән сакчыл эш итү күнекмәләрен алдылар.