Зәйдә «Планетаны бергә бизик» дигән экологик акция узды

23 апрельдә Мирный микрорайоны паркында Бөтендөнья Җир көненә багышланган «Планетаны бергә бизик» дигән экологик акция узды. Акциядә шәһәр мәдәният йорты хезмәткәрләре һәм Мирный микрорайонында яшәүчеләр катнашты. Уртак көч белән парк территориясендә чисталык һәм тәртип урнаштырдылар, агачлар агарттылар. Без планетабыз өчен җаваплы, әйдәгез, барыбыз да бергә җыелыйк. Һәркем бу эшкә үз өлешен кертә ала.