“Радость” халыкка социаль хезмәт күрсәтү комплекслы үзәге хезмәткәрләре вакцинация темасына багышланган мәгълүмати очрашуда катнаштылар

Европа иммунизация атнасы алдыннан һәм яңа коронавирус йогышы таралуны кисәтү максатыннан 22 апрель көнне “Радость” халыкка социаль хезмәт күрсәтү комплекслы үзәгендә Татарстан Республикасы буенча баш дәүләт санитар табибының Зәй, Әлмәт, Лениногорск, Сарман районнары буенча урынбасары Ринат Миннулла улы Насыйбуллин белән мәгълүмати очрашу булып узды. Коронавирустан вакцинация ясауга кагылышлы мәсьәләләргә аерым игътибар бирелде. Әңгәмә барышында Ринат Миннулович катнашучыларга районда коронавирус авыруы буенча хәлнең торышы турында хәбәр итте, аның таралуын кисәтү буенча барлык чараларны үтәү мөһимлеген, вакцинацияне кичектерергә ярамавын, пандемияне туктату өчен коллектив иммунитет кирәклеген аңлатты. Очрашу барышында коронавируска каршы вакцинация турында төрле мифлар турында да искә алынды. “Радость” халыкка социаль хезмәт күрсәтү үзәге хезмәткәрләре тарафыннан вакцинация темасына кызыксындырган сораулар бирелде, аларга Ринат Миннулович җентекле җаваплар бирде.