«Бергә саклыйк» дигән экологик акция үткәрелде
Хәзерге вакытта бөтен дөньяда әйләнә-тирә мохитнең торышы бозылу күзәтелә. Хәлне мәктәпкәчә яшьтән башлап экологик белем бирү ярдәмендә генә үзгәртергә мөмкин. Экологик культура, экологик аң, экологик фикерләү - кешелек өчен барлыкка килгән хәлдән чыгу юлларының берсе. 2021 елның 15 апрелендә Космос кинотеатрында «Алтынчәч» балалар бакчасында тәрбияләнүчеләр өчен «Бергә саклыйк» дигән экологик чара үткәрелде. Әкият персонажы – урманчы, балалар белән экологик әңгәмә, шулай ук күңелле уеннар һәм конкурслар үткәрде. Чара ахырында балалар шәһәр халкына табигать белән сакчыл мөрәҗәгать итәргә өндәүче белешмәлекләр тараттылар. Чара балаларның табигать дөньясының кеше эшчәнлеге белән үзара бәйләнеше турындагы белемнәрен киңәйтте, шулай ук пычрануның әйләнә-тирәлеккә нинди тискәре йогынты ясавы турында күзаллауны формалаштырды.