Зәй шәһәре мәшгульлек үзәге эш бирүчеләр белән семинар-киңәшмә үткәрде

15 апрельдә Зәйдә район предприятиеләре, оешмалары, учреждениеләре һәм шәхси эшмәкәрләр өчен «Хезмәт базарында диалог-30 ел бергә» дигән темага семинар – киңәшмә узды. Семинарда шәһәр һәм район предприятиеләренең кадрлар хезмәте җитәкчеләре һәм белгечләре катнашты. Кереш сүз белән район Башкарма комитеты җитәкчесенең икътисадый үсеш, сәнәгать, сәүдә һәм эшмәкәрлеккә ярдәм итү буенча урынбасары Розалия Архипова чыгыш ясады. Ул әлеге чараның әһәмияте турында сөйләде. Мәшгульлек үзәге директоры Екатерина Андреева хезмәт базары торышы, эш бирүчеләргә дәүләт ярдәменең яңа чаралары, яңадан укыту һәм мәшгульлеккә ярдәм итү программалары турында чыгыш ясады. Зәй шәһәре прокуроры Ринат Кәримов үз чыгышында хезмәт законнары таләпләрен тикшерү барышында ачыкланган хокук бозулар очракларын бәян итте. Семинарда шулай ук «КИМБ» укыту учреждениесенең укыту эшләре буенча директор урынбасары Галина Элбакидзеның «Хезмәт законнарындагы үзгәрешләр турында» темасына доклады тыңланды. Чара ахырында халыкны эш белән тәэмин итүгә ярдәм итү программасын тормышка ашыруда актив катнашкан, балигъ булмаганнарны вакытлыча эш белән тәэмин итүне оештыруда хезмәттәшлек иткән һәм һөнәри юнәлеш бирү эшен оештыруда һәм үткәрүдә ярдәм иткән хезмәткәрләрне бүләкләү тантанасы узды.