"Шатлык" үзәгендә Космонавтика көненә багышланган чара узды

12 апрель көнне Зәй муниципаль районы “Радость” халыкка социаль хезмәт күрсәтү комплекслы үзәге базасында гаилә һәм балаларга социаль ярдәм бүлеге белгечләре Космонавтика көненә багышланган бер көнлек максатчан заезд оештырдылар. Нәкъ менә шул көнне – 1961 елның 12 апрелендә Байконур космодромыннан “Восток” космик корабле галәм киңлегенә старт алган. Чараның максаты һәм бурычлары: үз илеңә карата патриотик хисләр, үз гомерләрен космоска багышлаган кешеләргә карата горурлык һәм хөрмәт тәрбияләү; балигъ булмаганнарның игътибарын, хәтерен, креатив фикерләвен үстерү. Чарада балалар әлеге бәйрәмнең тарихы белән таныштылар, космос турында бай мәгълүмат алдылар. Соңыннан алган белемнәрен “космик станцияләр” аша узганда кулландылар. Яшь космонавтлар чарадан бик күп уңай эмоцияләр алып, көн дәвамына җитәрлек күтәренке кәеф белән таралыштылар.