Зәйдә белем бирү оешмалары җитәкчеләре семинары узды

Бүген Зәй муниципаль районы башлыгы Разиф Гали улы Кәримов катнашында «Белем бирү нәтиҗәләре мониторингы: анализ һәм үсеш перспективалары» темасына мәгариф оешмалары җитәкчеләре семинары узды. Мәгариф идарәсе башлыгы Печина Л.Р. мәктәпләрдә, балалар бакчаларында һәм өстәмә белем бирү учреждениеләрендә Татарстан Республикасында Туган телләр һәм халык бердәмлеге елына һәм Зәй муниципаль районында Туган як елына багышланган чаралар турында сөйләде. Семинарда районыбыз укучыларының бөтенроссия һәм республика олимпиадаларының төбәк этабында катнашуына йомгак ясалды, 9 һәм 11 сыйныф укучыларының дәүләт йомгаклау аттестациясен үткәрү үзенчәлекләре яктыртылды. 4нче мәктәп директоры Ларина А.Р. һәм Кадер урта мәктәбе директоры Цыганова Э. Г. укучыларны ДЙАга әзерләү буенча эш тәҗрибәсе белән уртаклаштылар. Кече фәннәр академия җитәкчесе вазыйфаларын башкаручы Дмитриева Л.П. мәктәп җитәкчеләрен сәләтле балаларга өстәмә белем бирү үзәгендә укучыларның конкурс һәм олимпиада хәрәкәте үсеше белән таныштырды. Семинарда район Башкарма комитеты җитәкчесе Галеев Э.Э., Башкарма комитет җитәкчесенең социаль мәсьәләләр буенча урынбасары Чапков А.В. катнашты.