Зәйдә космонавтика темасына автоквест оештырылды

12 апрельдә яшьләр эшләре идарәсе белгечләре Ю.А. Гагаринның космоска очуына 60 ел тулуга багышланган автоквест оештырдылар. Чарада шәһәрнең яшь гаиләләре һәм эшләүче яшьләр катнашты. Җыелу ноктасы "Дуслык" яшьләр үзәге булды, анда юл йөрү кагыйдәләре буенча инструктаж үткәрелде, җирәбә салынды. Һәр экипаж оештыручылар белән элемтәдә тору һәм биремнәр алу өчен телефон номерларын калдырды. Брифингтан соң барысы да машиналарына утырдылар һәм беренче биремне көтә башладылар. Катнашучыларның берсе дә нинди биремнәр, нәрсә көтәргә икәнен белми иде. Оештыручылар тарафыннан иң төрле һәм гаять кызыклы биремнәр әзерләнгән иде: ребусларны чишү, 1984 елгы фотодагы ноктаны билгеләү һәм башка конкурслар. Кайбер биремне чишү өчен логиканы эшкә җигәргә туры килде. Кыенлыкларга карамыйча, катнашучылар автоквестның барлык этапларын уңышлы үттеләр. Йомгаклау урыны итеп "Чернушка" га багышланган һәйкәл билгеләнгән иде, анда катнашучыларга дипломнар һәм бүләкләр тапшырылды.