Зәйдә "Кайгырту" ирекле хәрәкәте кураторы мәктәп укучылары белән очраша

Агитация программасы кысаларында "Кайгырту" ирекле хәрәкәте кураторы Зәй политехник көллиятенең "Эко-Стайл" командасы белән берлектә ай дәвамында шәһәрнең мәктәп укучылары янына баралар. Әлеге очрашуларның максаты - яшьләрне ирекле хәрәкәткә җәлеп итү. Иреклелек эшчәнлеге елдан-ел популярлаша бара. "Эко-Стайл" командасы волонтерлары үз тәҗрибәләре белән уртаклаштылар, балаларга волонтерларның нинди кызыклы һәм актив тормыш алып барулары турында сөйләделәр. Укучылар ирекле хәрәкәт юнәлешләре, шулай ук үзләре катнаша ала торган ирекле проектлар һәм чаралар турында белделәр.