“Ярдәмләшеп эшлик...”

Зәй муниципаль районында балигъ булмаганнар белән эшләү буенча традицион формаларның берсе-шәһәрнең үзәк өлешеннән ерак урнашкан гомуми белем бирү учреждениеләре базасында ведомствоара утырышлар үткәрү тора. 12 март көнне “Радость” халыкка социаль хезмәт күрсәтү комплекслы үзәге белгечләре инициативасы белән Зәй шәһәренең 5 нче урта гомуми белем бирү мәктәбе базасында ведомствоара хезмәттәшлек кысаларында районның профилактика системасына керүче учреждениеләр һәм ведомстволар: балигъ булмаганнар эшләре һәм аларның хокукларын яклау комиссиясе, халыкны социаль яклау бүлеге органнары, мәгариф идарәсе органнары, опека һәм попечительлек органнары, яшьләр эшләре, спорт органнары, шулай ук балигъ булмаганнар эшләре буенча инспекция белгечләре катнашында чара оештырылды. Чара барышында балалар һәм яшүсмерләр РФ Җинаять һәм административ кодексының, наркотикларның законсыз әйләнеше өлкәсендә җинаятьләр һәм хокук бозулар кылуга бәйле рәвештә барлыкка килә торган җаваплылык, закон белән каршылыкка кергән затларның җәза төрләре һәм исәпкә алу рәвешләре, балигъ булмаганнарның хокукка каршы гамәлләре өчен җаваплылык яше белән таныштылар. Моннан тыш, балигъ булмаганнар эшләре буенча инспектор тәмәке эшләнмәләрен һәм тәмәке катнашмаларының, шул исәптән электрон тәмәке, алкогольле эчемлекләр һәм наркотик чаралар куллану темасына да кагылды. Балалар спиртлы эчемлекләр кулланган өчен юридик җаваплылык белән таныштылар. Яшьләр эшләре һәм спорт идарәсе белгечләре яшь буынга шәһәрдә ял һәм сәламәтләндерүне оештыру мөмкинлекләре, районның спорт инфраструктурасы, эшләүче түгәрәкләр, секцияләр, клублар турында сөйләделәр. Клуб җитәкчесе Миронов Антон Александрович “Застава” хәрби-патриотик клубы турында мәгълүмат белән уртаклашты, берничә егет һәм кыз спорт белән шөгыльләнергә теләк белдерде. Гаилә һәм балаларга социаль ярдәм күрсәтү бүлеге белгечләре балаларга “Балалар ышаныч телефоны”, “Психоактив матдәләр кулану”, “Ызгыш-талашлардан котылуга 4 адым” дигән буклетлар һәм белешмәлекләр тапшырдылар. Очрашу барышында яшүсмерләр сораулар бирделәр һәм үзләрен кызыксындырган сорауларга җаваплар алдылар.