Зәйнең “Актив пенсионер мәктәбе” укучылары Болгарга экскурсиягә бардылар

Зәй муниципаль районы “Радость” халыкка социаль хезмәт күрсәтү үзәге базасында оештырылган “Актив пенсионер мәктәбе”ндә, туган як тарихын һәм мәдәниятен өйрәнү буенча укулар үткәрү кысаларында, Болгарга экскурсия оештырылды. 2020 ел башыннан шәһәр пенсионерлары өчен укыту һәм ял чаралары “Яңадан мәктәпкә” социаль проектын гамәлгә ашыру кысаларында үткәрелә. Әлеге проект Татарстан Республикасы Икътисад министрлыгы тарафыннан социаль әһәмияткә ия проектларны гамәлгә ашыручы коммерциячел булмаган оешмаларга Татарстан Республикасы бюджетыннан субсидияләр бирү конкурсында җиңү нәтиҗәләре буенча грант ярдәме алган иде. Мәктәптә дәресләр хокукый белемне арттыру, мәгълүмати технологияләр, тормыш иминлеге, туризм һәм туган якны өйрәнү, сәламәтлек, хореография, психология, аралашу, кул эшләре, чит тел дәресләре буенча атнага 2-3 тапкыр үткәрелә.