Зәй шәһәре йортларында капиталь ремонт барышын карадылар

2020 елның 7 июле, сишәмбе

Бүген муниципаль район Башкарма комитеты җитәкчесе Илнар Хафизов һәм җаваплы белгечләр шәһәрдә күпфатирлы йортларда алып барыла торган капиталь ремонт эшләре белән кызыксынып, объектларны йөреп, карап чыктылар. Комиссия Энергетиклар урамының 8, 9, 9а, 11нче, Никифоров урамының 28нче, Ленин урамының 25, 27А, 34нче, Төзүчеләр урамының 3нче, Казан урамының 4а, Җиңү проспектының 1/02 йортларында – эш алып барыла торган барлыгы 11 йортта булды. Карау, тикшерү нәтиҗәсендә бернинди җитешсезлекләр, хокук бозулар ачыкланмаган, барлык эшләр графиктан тайпылмый дәвам итә.