Зәй волонтерлары "Янәшә ярдәм" акциясе кысаларында азык-төлек җыелмалары тараталар

2020 елның 26 июне, җомга

«Янәшә ярдәм» азык-төлек җыелмаларының дүртенче траншы Зәй районына килде. Бүген волонтерлар һәм социаль хезмәткәрләр Зәй муниципаль районында 700 азык - төлек җыелмасы тараталар, шуларның 138е - авыл җирендә, 562се-шәһәрдә. Алучылар категориясенә түбәндәгеләр кертелгән: җан башына уртача кереме яшәү минимумыннан түбәнрәк булган, үз составында 8 яшьтән өлкәнрәк балалары булган гаиләләр балалары; җан башына уртача кереме яшәү минимумыннан түбән булган, бер ата-ана алимент түләүдән качучы гаилә балалары; опека һәм попечительлек буенча бурычлары түләүсез нигездә башкарыла торган гаиләләр; өлкәнрәк ялгыз яшәүче пенсионерлар; ата-аналары «үзмәшгуль» яки кризистан зыян күргән тармакларда эшләүче шәхси эшмәкәр булганнарның балалары.