Район башлыгы Кәримов Разиф Галиевич Россия көне белән котлый!

Хөрмәтле зәйлеләр! Сезне төп дәүләт бәйрәмнәренең берсе – Россия көне белән котлыйм! Россия көне бай тарихлы, зур потенциаллы һәм матур киләчәкле Ватанын чын күңелдән яратучыларны берләштерә. Илебез мирасын саклап, Россияне көчле, бердәм һәм чәчәк атучы держава итү бары тик безнең көчебезгә бәйле. Илебез мәдәнияте һәм фәненең бөек казанышлары, иң авыр вакытларда да халыклар бердәмлегенең нык булуы белән безнең горурланырлыгыбыз бар. Быел без бәйрәмне катлаулы шартларда билгеләп үтәбез. Һичшиксез, вакытлыча кыенлыклар артта калачак, без бу сынауны да бергәләп җиңәчәкбез. Соңгы елларда безнең ил динамик рәвештә үсә, халыкара аренада үз позицияләрен ныгыта һәм киләчәккә ышаныч белән атлый. Без аның уңышлары белән горурланабыз һәм алга таба үсеш өчен лаеклы өлеш кертергә омтылабыз. Зәй муниципаль районы бөтен ил белән бердәм ритмда яши. Зәйлеләр үз белемнәрен һәм көчләрен район һәм республика үсешенә кертеп, бөек Россиянең тагын да ныгуына ярдәм итә, чөнки илнең көче һәм дәрәҗәсе аның шәһәрләре һәм төбәкләренең уңышларына бәйле. Кадерле зәйлеләр! Бу бәйрәм көнендә сезгә сәламәтлек, иминлек, хезмәтегездә уңышлар һәм район, республика, илебез хакына яңа казанышларга ирешүегезне телим! Бәйрәм көнендә һәркем күңелен Россия өчен горурлык хисләре биләсен, әлеге күңел күтәренкелеге алда яшәешкә көч бирсен һәм ышанычыбызны ныгытсын!