Зәйдә район башлыгы 4 нче урта мәктәп укучылары белән очрашты

Зәй муниципаль районында һөнәри юнәлеш бирү эшен үткәрү, ихтыяҗ зур булган белгечлекләрне популярлаштыру максатыннан, 18нче февральдә район башлыгы Р.Г. Кәримов, Башкарма комитет җитәкчесе И.Ф.Хафизов, мәгариф идарәсе җитәкчесе Л.Р. Печина, Зәй үзәк район хастаханәсе баш табибы А.М.Фатыйхов катнашында түгәрәк өстәл форматында очрашу оештырылды. Анда укучыларның максатчан юнәлеше, районда сәламәтлек саклау елы кысаларында планлаштырылган, балалар һәм яшьләр өчен чаралар, районның якын киләчәккә сәнәгать үсеше турында сүз барды. Әңгәмә танып-белү характерына ия булды. Укучылар күп сораулар бирделәр, аларга Р.Г. Кәримов үз тәҗрибәсеннән һәм шәхси тормыштан мисаллар кулланып, аңлаешлы итеп җавап бирде.