«Россия – мөмкинлекләр иле» платформасының «Мәдәни код» урам сәнгате фестивален үткәрү шәһәре өчен онлайн -тавыш бирүдә катнашырга чакырабыз (10.02-03.03.20)

2020 елның 15 апреленнән 30 октябренә кадәр «Россия – мөмкинлекләр иле» Президент платформасы тарафыннан Россия шәһәрләренең йөзен яхшырту максатыннан «Гомумроссия халык фронты» иҗтимагый хәрәкәте белән берлектә оештырылган «Мәдәни код» урам сәнгате фестивален үткәрү планлаштырыла. Фестиваль кысаларында йорт фасадларына күләмле сәнгать эшләре төшереләчәк, танылган граффитистлар белән тәҗрибә уртаклашу өчен иҗади очрашулар оештырылачак. 3 февральдә фестиваль кысаларында урам сәнгате фестивальләрен үткәрүгә Россия төбәкләреннән гаризалар кабул итү төгәлләнде. Эксперт советы карары нәтиҗәләре буенча, тавыш бирүнең шорт-листына Татарстан Республикасы, Удмуртия Республикасы, Ставрополь крае, Ленинград, Түбән Новгород һәм Чиләбе өлкәләре керде. 10 февральдән 3 мартка кадәр «Вконтакте» социаль челтәрендә «Россия – мөмкинлекләр иле» платформасының рәсми төркемендә өч шәһәрне сайлап алу буенча халык онлайн-тавыш бирү уза. Тавыш бирүдә катнашырга чакырабыз!