Зәй кызлары- "Сандугач сайрар илем" фестивале җиңүчеләре

30 гыйнварда Азнакай шәһәрендә “Татнефть” АҖ “Рухият” хәйрия фонды тарафыннан оештырылучы XXIII “Сандугач сайрар илем” балалар һәм яшүсмерләр иҗаты төбәк фестиваленең вокаль чыгышлар финал бәйгесе үтте. Анда Зәй районыннан Әлфия Вәлиуллина җитәкчелегендәге «Азаль” һәм “Мирас” вокаль-хореография ансамбльләре солистлары Александра Шишмагаева һәм Миләүшә Әгъләмова аерым башкаручылар номинацияләрендә чыгыш ясап, җиңү яуладылар. Александраның чыгышын мәртәбәле жюри югары бәяләп, башкару осталыгының нинди булуын башкаларга үрнәк итеп күрсәтте. Ул халык җырлары номинациясендә беренче дәрәҗә лауреат исемен алды. Ә Миләүшә Әгъләмова эстрада җырлары номинациясендә үз яшь төркемендә беренче дәрәҗә лауреат булды. Кызларның сәнгать җитәкчесе Әлфия Хамисовна профессиональ эшчәнлеге өчен Рәхмәт хатлары белән бүләкләнде.