Батырларга мәрхәмәтлелек күрсәтеп

30 гыйнварда, Россия өчен генә түгел, дөньяның күп кенә илләре өчен дә иң бөек бәйрәм -9 майга 100 көн калып барганда, Зәй студентлар хезмәт отрядлары үзәге вәкилләре сугыш ветераны Мачтаков Леонид Яковлевичның хәлен белеште. Балалар ветеранның ишегалдын, йорт артындагы сукмакны кардан чистарттылар. Ә Леонид Яковлевич, үз чиратында, ярдәмчеләрне кайнар чәй белән сыйлады һәм үзенең яшьлек тарихы, окопларда үткәргән еллары турында сөйләде. Җиңү көне бөтен совет халкының батырлыгын, кыюлыгын гәүдәләндерә. Алар үз- үзләрен аямыйча, шанлы еллар авырлыкларын курыкмыйча, дөньяны фашист илбасарларыннан азат итте. Бөек Ватан сугышында җиңүнең 75 -еллыгы уңаеннан ул елларның дәһшәтен әле дә хәтерләрендә тотучы кешеләр өчен зур булмаган, ләкин изге гамәлләр кылырга чакырабыз.