Зәйдә «Мирный», «Заготзерно» һәм «Нефтебаза» микрорайоннары гражданнарының җыены узды

Бүген район башлыгы Р.Г. Кәримов, район башлыгы урынбасарлары, шәһәр һәм район хезмәтләре җитәкчеләре катнашында «Мирный», «Заготзерно» һәм «Нефтебаза» микрорайоннары гражданнарының җыены узды. Район башлыгы Разиф Галиевич Кәримов районның социаль-икътисади үсеше, 2019 елда башкарылган эшләр һәм 2020 елга перспектив юнәлешләр һәм бурычлар белән таныштырды. Россия Эчке эшләр министрлыгының Зәй районы буенча бүлеге башлыгы урынбасары Г.Г. Абрамов микрорайоннардагы оператив хәлләр турында сөйләде. Татарстан Республикасы Хезмәт, халыкны эш белән тәэмин итү һәм социаль яклау министрлыгының Зәй районындагы бүлеге башлыгы Э. Г. Хуҗина халыкка социаль ярдәм күрсәтүнең яңа төрләрен билгеләп үтте. Зәй үзәк район хастаханәсе баш табибы А.М. Фатыйхов районда сәламәтлек өлкәсен үстерү юнәлешләрен күрсәтте. Зәй урман хуҗалыгы директоры Р.Р. Мөхәммәдиев урманнарда янгын куркынычсызлыгын тәэмин итү һәм 2020 нче елга куелган бурычлар турында аңлатты. Аннан соң халык шәһәр һәм район җитәкчеләренә үзләрен борчыган сораулар белән мөрәҗәгать итте.