Зәй районында юбилярны котладылар

Бүген Сармаш-Баш авыл җирлегендә яшәүче Гамбәрия Моталлип кызы Арсланова 90 яшьлек юбилеен билгеләп үтә. Юбилярны котларга район башлыгы урынбасары Валерий Григорьевич Акатьев килде, ул Гамбәрия Моталлип кызына Россия Президенты Владимир Путин исеменнән котлау открыткасы һәм истәлекле бүләк тапшырды, иминлек, сәламәтлек һәм күңел тынычлыгы теләде. Ветеранның балачагы һәм яшьлеге сугыш һәм сугыштан соңгы елларга туры килә. Гамбәрия Арсланова адресына Сармаш-Баш авылы җирлеге башлыгы Р.М. Фәсхетдинов, күршеләре, балалары, оныклары Һәм оныкчыклары исеменнән җылы теләкләр яңгырады. Автоклуб хезмәткәрләре юбилярга үзләренең иң матур җырларын бүләк иттеләр. 90 яшендә Гамбәрия апа тормышыннан куанып яши, район яңалыклары белән кызыксына. Бердәнбер улы тәрбиясендә яши.