Зәйдә юбилярны котладылар

17 гыйнвар көнне Имәнлебаш авылында яшәүче Фәгыймә Хөснуллина үзенең 90-яшьлек юбилеен билгеләп үтте. Барлык балалары, якыннары һәм авылдашлары җыелган бу бәйрәмгә аны котларга Зәй муниципаль район башлыгы урынбасары В.Г.Акатьев, Югары Шепкә авыл җирлеге башлыгы А.Х.Ишматов һәм район мәдәният йорты автоклуб хезмәткәрләре килде. Бала чагы, үсмер еллары авыр чорга туры килгән Фәгыймә апаның тормыш юлы Имәнлебаш авылында үтә. Ул гомере буе колхозда кырчылыкта,терлекчелектә эшләп лаеклы ялга чыга. Биш бала тәрбияләп үстерә. Бүгенгесе көндә ялгызы гына яши. Балалары,оныклары һәрдаим Фагыймә апага ярдәм итеп, булышып торалар.