"Зәй-икмәк" ҖЧҖ продукциясе республикада иң яхшылардан санала

"Зәй-икмәк" ҖЧҖ (директоры Шалафаев Анатолий Аркадьевич) «Татарстан Республикасының иң яхшы товарлары һәм хезмәт күрсәтүләре - 2019» конкурсында катнашты. Конкурс Татарстан Республикасында «Россиянең иң яхшы 100 товары» программасы кысаларында инде беренче ел гына үткәрелми. Конкурста катнашу үз товарыңны яки хезмәтеңне күрсәтү генә түгел, ә аларны иң яхшы итеп күрсәтү өчен уникаль мөмкинлек бирә. Конкурс лауреатларын бүләкләү тантанасы 2019 елның декабрендә Казан Ратушасында узды. Быел конкурста Татарстанның 230 предприятиесе һәм оешмасыннан 453 төр товар һәм хезмәт күрсәтү тәкъдим ителде. Аларның 135е – лауреат, 138е-I дәрәҗә дипломант, 162 се – II дәрәҗә дипломант булды. Конкурста җиңүчеләргә дипломнарны Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы сәнәгать һәм сәүдә министры Альберт Кәримов, Татарстан Республикасы Мәдәният министрлыгы, Татарстан Республикасы Сәламәтлек саклау министрлыгы вәкилләре һәм башка рәсми затлар тапшырды.