Үзәк китапханәдә сәламәт яшәү рәвешенә багышланган әдәби чара узды

Бүген үзәк балалар китапханәсендә үткәрелгән шул исемдәге әдәби-уен программасы сәламәт яшәү рәвешенә багышланган чараларны ачты. Зәйдә 2020 ел сәламәтлек саклау елы буларак игълан ителгәнлектән әлеге темага китапханәдә дә зур игътибар биреләчәк. Чара уен формасында барды, аның кысаларында “Кызыл калфак” балалар бакчасының мәктәпкә әзерлек төркеменә йөрүчеләр ялкау кызны коткару өчен тырыштылар. Аларга каршылыкларны эченә алган бәйге-ярышларда көч сынашырга туры килде. Шул ук вакытта тапкырлык һәм зирәклекләрен дә сынадылар. Китапханәчеләр малай-кызларга сәламәтлекнең һәр кеше тормышында бәяләп бетермәслек байлык икәнлеген, аны саклау өчен кечкенәдән спорт белән шөгыльләнү һәм сәламәт яшәү рәвеше алып баруның әһәмиятле булуын төшендерергә тырыштылар.