«Зәй крекер» кондитер фабрикасы ҖЧҖендә хезмәт коллективы җыелышы узды

Бүген «Зәй крекер» кондитер фабрикасы ҖЧҖендә Зәй муниципаль районы башлыгы урынбасары В.Г. Акатьев катнашында хезмәт коллективы җыелышы узды. Район башлыгы урынбасары фабрика хезмәткәрләрен 2019 елда районның социаль-икътисади үсеш нәтиҗәләре һәм 2020 елга куелган бурычлары белән таныштырды. Производство мөдире Д.И. Хаипова «Зәй крекер» кондитер фабрикасы ҖЧҖнең 2019 елдагы эшчәнлегенә йомгак ясады һәм фабриканың киләсе чорга төзелгән планнары белән уртаклашты. Очрашу барышында фабрика хезмәткәрләре нигездә халыкка торак-коммуналь хезмәтләр күрсәтүгә кагылышлы сорауларын бирделәр. Район башлыгы урынбасары В.Г.Акатьев фабрика хезмәткәрләренә районның социаль-икътисади үсешенә керткән өлеше өчен рәхмәт сүзләрен җиткерде. Ул коллективны яңа ел белән котлады, җитештерү күрсәткечләрен тагын да арттыруларын сорады, барысына да сәламәтлек һәм гаилә иминлеге теләде.