Яшүсмерләр арасында танылган көрәшче һәм судья Корбанов Фәрит Камил улы истәлегенә багышланган көрәш буенча III Республика турниры узды

2020 елның 11 гыйнварында Азнакай шәһәрендә танылган көрәшче һәм судья Корбанов Фәрит Камил улы истәлегенә багышланган III республика турниры узды, анда тренер Минһаҗев Айрат Рәшит улы тәрбияләнүчеләре түбәндәге нәтиҗәләрне күрсәттеләр: Ибраһимов Җәмил (36 кг авырлык категориясендә, 30 катнашучы арасында )1 нче урынны, Идиатуллин Рафаиль (65 кг авырлык категориясендә, 15 катнашучы арасында) 4 нче урынны алды. Ярышларда Татарстанның 17 районыннан 180 спортчы катнашты.