С.Рәфыйков исемендәге Үзәк китапханә хезмәткәрләре “Яңа ел серләре” дип исемләнгән чара үткәрде

Барыбыз да яраткан, көтеп алган иң күңелле, тылсымлы бәйрәмнәрдән булып саналаган Яңа ел якынлаша. 18 декабрьдә С.Рәфыйков исемендәге Үзәк китапханә хезмәткәрләре шәһәребезнең «Р.Ш.Фәрдиев исемендәге татар гимназиясе» нең 7 нче сыйныф укучылары өчен “Яңа ел серләре” дип исемләнгән чара үткәрде. Очрашуда әлеге тылсымлы бәйрәмнең барлыкка килү тарихы, нәрсәләр бүләк итәргә ярый-ярамый, мәкаль-әйтемнәр, сынамышлар әйтелде. Төрле биремнәрдән торган уеннар һәм видеопризентация укучылар күңеленә аеруча хуш килде. Шулай ук алар өчен китап күргәзмәсе оештырылган иде.